На њујоршкиот плоштад Тајмс Сквер, официјалните лица и организаторите на забавите велат дека се подготвени да ги пречекаат толпите веселници и да ја осигураат нивната безбедност на новогодишната ноќ.
На брифинг за безбедноста во градот во петокот, градоначалникот на Њујорк, Ерик Адамс, рече дека нема „особена закана“ за новогодишната ноќ, која се очекува да привлече десетици илјади луѓе во срцето на Менхетен, пренесе АП.
Поради речиси секојдневните протести во Њујорк предизвикани од војната меѓу Израел и Хамас во Газа, полицијата најави дека ќе создаде „тампон зона“ што ќе им овозможи да спречат потенцијални демонстрации.
Безбедноста ќе биде зајакната и низ цела Франција со распоредување на 90.000 полицајци, изјави во петокот шефицата на француското разузнавање Селин Бертон.
Од нив, 6.000 ќе бидат во Париз, каде францускиот министер за внатрешни работи Жералд Дарманен рече дека се очекува повеќе од 1,5 милиони луѓе да присуствуваат на прославите на Шанзелизе.
Говорејќи на прес-конференција, Дарманен изјави дека постои многу голема закана од тероризмот, делумно поради она што се случува во Израел и Палестина, пренесува Танјуг.
