Управата на Јувентус размислува да го отпуштат тренерот на првиот тим Маурицио Сари, јавуваат италијанските медиуми. Исто така, се посочува дека се разгледува можноста за враќање на Масимилијано Алегри, кој го напушти тимот на крајот на минатата сезона.
Според „Ла Репблика“, во раководството на италијанскиот шампион постои група која би сакала да го врати Алегри. Во исто време, претседателот на „старата дама“ Андреа Ањели не му верува во целост на Сари поради последните резултати на тимот.
Во исто време, Алегри е се уште под договорот со Јувентус и покрај неговото разрешување. Претходно, тренерот рече дека сака да земе годишен одмор пред да се врати на работа.
Јувентус во последниот натпревар од Серија А загуби од Верона (1:2) и му дозволи на Интер да се изедначи со бодовите – 54. Третиот на табелата, тимот на Лацио има 53 бода.
