Од Општина Карпош потсетуваат дека е во тек пријавувањето за јубилејниот традиционален XX меморијален турнир во мал фудбал „Оливер Соколов – Сокол“ – Сокол2win – 2024 година и ќе трае до 28 август.
Извлекувањето на екипите ќе се одржи на 30 август, а стартот на турнирот е закажан како и секогаш традиционално на 1 септември со почеток во 20 часот на игралиштето „Сокол“ во ООУ „Христијан Тодоровски Карпош“ – Карпош 1.
Бројот на екипи е ограничен на 40.
Тимските награди се следниве: за прво место – 500.000 денари, за второ – 250.000 денари, за трето – 120.000 денари и за четврто место – 60.000 денари. Додека индивидувалните награди се следбиве: за најдобар играч – 20.000 денари, ваучер со вредност од 30.000 денари за прва година од струдии на Европски Универзитет и ваучер за две ноќевања за двајца во Panorama | Hotel & Spa Krusevo, за најдобар голман – 20.000 денари, ваучер во вредност од 30.000 денари за прва година од струдии на Европски Универзитет и ваучер за две ноќевања за двајца во Panorama | Hotel & Spa Krusevo, за најдобар млад играч – 20.000 денари, ваучер за едногодишна стипендија за прва година од струдии на Европски Универзитет и ваучер за две ноќевања за двајца во Panorama | Hotel & Spa Krusevo.
Сите информации и детали за настап и пријавување на екипа може да се добијат на телефонските броеви 077655699 и 077655988 или на сајтот на Општина Карпош во делот „пријавување“. http://sokolturnir.mk
