Претставници на израелското Министерство за здравство денеска пред парламентарната здравствена комисија изјавија дека Хамас на ослободените од заробеништво им дал средства за смирување пред да ги предаде на Црвениот крст на пат за Израел.
Како што е наведено, целта на „Хамас“ била заложниците да изгледаат смирени, среќни и оптимисти откако биле изложени на физичко малтретирање и психички терор во текот на повеќе од 50 дена во Појасот Газа.
Директорот на одделот за исхрана во Министерството, д-р Хагар Мизрахи, изјави дека на заложниците им бил даден Клоназепам (Ривотрил), кој меѓу другото, јавуваат израелските медиуми, се користи и за анксиозни нарушувања.
Претставниците на Министерството не открија дали тоа е потврдено со тестовите на крвта на ослободените заложници во израелските болници или врз основа на нивните сведоштва.
Тоа го кажаа и семејствата на заложниците кои први пристапија до одборот.
Израелскиот премиер Бенјамин Нетанјаху и уште двајца членови на Воениот кабинет денеска ќе се сретнат со семејствата на заложниците кои се уште се во заложништво.
Во нападите на југот на Израел на 7 октомври, палестинските екстремисти предводени од Хамас убија над 1.200 луѓе и одведоа околу 240 заложници во Појасот Газа.
За време на неодамна склученото седумдневно примирје во војната, беа ослободени 105 заложници, меѓу кои 81 Израелец, 23 Тајланѓанец и еден Филипинец.
Израелските власти соопштија дека во Газа се уште се држат 137 заложници.
