Време е за одмори и патувања, а често, луѓето се одлучуваат да истиот да го поминат во хотел. Експертот за нега на коса откри зошто не треба да користите хотелски фен за коса. Едно истражување потврди дека фенот за коса во хотелските соби е место за размножување на бактерии и габи, пренесува The Sun. Освен што можат да пренесуваат болести, сушачите наводно може да предизвикаат првут и да го забават растот на косата.
Иако звучи екстремно, експерт за коса, односно трихолог, ги потврди резултатите од истражувањето. Жаки Мекинтош објасни дека хотелскиот фен може да биде највалканиот предмет што ќе го користите на одмор. Истрагата на ABC News покажа дека чистачите често ги занемаруваат електричните апарати во просторијата, кои можат да станат почва за бактерии.
„Тие стануваат почва за бактерии и габи. Кога овие досадни микроорганизми ќе се најдат во вашата коса и скалп, тие можат да предизвикаат инфекција и иритација, да ги нарушат фоликулите на косата и да го запрат здравиот раст“, објасни Жаки. Во валканите машини за сушење може да има прашина и мувла. Тие не само што се нехигиенски, туку и создаваат проблем на вашиот скалп.
Таа предупреди дека фенот за коса може да предизвика иритација, разлетување, па дури и опаѓање на косата и често да доведе до расцепени врвови.
„Некои делови од вашата коса добиваат премногу топлина поради блокираните отвори, што доведува до сувост, кршливост и расцепени врвови“, објаснува експертот. Тие се темпирани бомби исполнети со бактерии кои само чекаат да експлодираат.
За жал, единственото нешто што можете да направите е да донесете сопствен фен за коса или да ја исушите косата без да користите уред.
