Хакери го нападнаа Ватсап

8

Хакери успеале во апликацијата за размена на пораки Ватсап да инсталираат софтвер што надгледувал одредени корисници, јави Би-Би-Си.

Ватсап, во сопственост на Фејсбук, соопшти  дека хакерскиот напад бил насочен само кон „одбран број” корисници и дека во петокoт го решиле проблемот и ја оневозможиле понатамошната неовластена контрола.

Тие побараа од клиентите, што се околу 1,5 милијарди, да ги ажурираат апликациите како дополнителна мерка на претпазливост.

Нападот бил откриен претходно овој месец, а штетниот софтвер бил изработен од израелската безбедносна компанија НСО Група.

Во изјава за Би-Би-Си од Ватсап велат дека нивниот  тим за безбедност, веднаш штом го открил хакерскиот напад ги известил релевантните здруженија за човекови права, безбедносните агенции и американското Министерство за правда.