Филм: „Кариран Нинџа“ – со мисија за одмазда

81

„Кариран Нинџа“ е насловот на анимираниот филм кој скопската публика може да го види во киното Фросина на 15 ноември од 13 часот, а во рамки на Детската програма на 18. Меѓународен фестивал на европски филм Синедејс.

Филмот, во режија на Торбјорн Кристоферсон и Андерс Матесен, ја раскажува приказната за Алекс, ученик што добива нинџа кукла од неговиот чичко Стјуарт по патувањето во Тајланд. Алекс наскоро сфаќа дека чудната шарена кукла со копчиња наместо очи е всушност жива и може да му помогне да се заштити од насилниците на училиште. Меѓутоа, кога Алекс одлучува да возврати на услугата, тој открива дека нинџа куклата е опседната и дека тој има мисија да ја одмазди.