Трофејниот стручњак, Луис ван Гал, по трет пат беше именуван за селектор на фудбалската репрезентација на Холандија. После срамното издание на „лалињата“ на последното ЕП 2020, елиминација од Чешка во 1/8 финалната рунда, Фудбалската федерација на Холандија донесе одлука дека треба да се стави крај на соработката со Франк де Бур, а Ван Гал донесе одлука дека треба да стави крај на неколкугодишното мирување.
Во септемврискиот квалификациски циклус Холандија забележа две победи (4:0 против Црна Гора и 6:1 против Турција) и едно реми (1:1 со Норвешка). Ван Гал направи неколку промени во почетниот состав и таквата одлука на крајот вроди со плод и со голема ефикасност.
По натпреварот против Црна Гора на социјалните мрежи се појави еден виде-клип од тренингот на холандската репрезентација. На видеото се гледа разговорот помеѓу трофејниот стручњак и стандардниот првотимец во дресот на Утрехт, Квинтер Тимбер.
Тимбер дојде до Ван Гал со намера да го поздрави и му пружи рака, а во следниот момент Ван Гал му одговори: „Јас сум вакциниран“.
Веднаш потоа Тимбер му одговори дека и он бил вакциниран, а Ван Гал му одговори: „Фала му на Господ, па не си идиот“.
