Утре ќе биде објавен огласот за линиите број 20 и број 22

42

Јавниот повик за учество во јавниот градски превоз Град Скопје ќе го објави утре, а се однесува на линиите од кој градот Скопје има потреба – тоа се линиите со број 20 и број 22.

Како што информираат градските власти, единствена разлика е во тоа што ниту „Слобода Превоз“ ниту „Макекспрес“ нема да можат да конкурираат една година од денот на раскинување на договорот поради прекршување на одредбите од договорот од нивна страна.

Од Градот ги повикуват сите приватни превозници да аплицираат на објавениот јавен повик, индивидуално или преку претставник на група на приватни превозници.

Оттаму додаваат дека јавниот градски превоз, го организираат органите на локалната самоуправа, а не приватни бизнисмени, политички партии или други интересни групи. Односно, во случајов, организацијата на јавниот градски превоз е обврска на градот Скопје и ЈСП Скопје.

-Основна заложба на ова градско раководство е оптимизација на непродуктивните трошоци и пренасочување на тие средства кон проекти од корист за граѓаните. Оттука, градот Скопје и ЈСП во последните шест месеци успеа да оспособи  130 автобуси од флотата на ЈСП со што бројката на градски автобуси се зголеми од 140 активни во овој период минатата година, на 270. На овој начин, граѓаните на градот Скопје добиваат подобра, поефтина, сигурна и стандардизирана услуга – потенцираат од Град Скопје.