Селима Сфар, родена во Тунис во 1977 година, на 12 години одлучила да стане професионална тенисерка и за тоа платила многу висока цена. Нејзиниот сон се оствари во 1999 година, но немаше да биде возможно доколку не се преселила во Франција.
Во оваа земја, таа тренираше под водство на Режис де Камарето во тениската школа во Бијариц. Како што се испостави години подоцна, тренерот и го направи животот пекол.
Пред неколку дена Сфар за француски „Л’Екип“ раскажа за трауматичните настани од пред 35 години. „Кога имав 12 години бев малтретирана речиси три години, откри таа.
Таа откри дека се започнало кога полетала за Бордо, а тренерот ја земал од аеродром и ја однел во својот дом.
„На половина пат, беше еден по полноќ, застана покрај патот и почна да ме допира, правејќи ми секакви работи. Тогаш не ни знаев што се случува, ништо не ми беше јасно Пред 35 години, времињата беа поинакви. Дванаесет години тогаш не беа исто како 12 години сега. Знаев само дека сум со еден од најдобрите тренери во светот, „богот“ на тенисот во Франција.
Доцна стигнавме до него. Горе (на спратот) беше неговата ќерка и спалната соба, јас спиев на софата долу. Отидов да спијам и час или два подоцна се разбудив кога ме допираше. Многу брзо премина од допирање до силување. Бев парализирана, не можев да се движам“, продолжи тенисерката.
Поминаа години, а беспомошната тенисерка немаше друг избор освен да ја напушти земјата.
“Кога имав 16-17 години почнав да се бунтувам. Не можев повеќе да издржам. Чувствував страшен гнев и тага. Не сакав повеќе да тренирам со него, не можев, па решив да одам во Лондон и нема повеќе тренер. Тоа беше радикална одлука“, изјавила несреќната Тунижанка.
Таа тренираше сама по шест часа на ден за да ја постигне својата цел да се пробие во првите 100 на ВТА рангирањето во 2001 година. Но, сето тоа време не можеше да ги избрише од умот кошмарните спомени.
„Ми требаа 25 години да си признаам и 35 години јавно да зборувам за тоа. Немате поим колку болка чувствував секогаш кога ќе го слушнав, колку ми беше срам. За време на судењето се сетив на пеколот што го живеев низ темните мисли што ми паднаа на ум“, опиша таа, а потоа продолжи:
„Во текот на мојата тениска кариера, секој пат кога бев на чекор од голема победа се сеќавав на тоа. Најлошото нешто во сите овие години е елиминацијата на вината и срамот. Дури и во моето семејство, некои луѓе ме прашуваа зошто не сум кажала не. Тоа е најлошото нешто што сум го слушнала“, заклучи тенисерката.
Селима Сфар ја заврши кариерата во 2008 година. Шест години подоцна, нејзиниот поранешен тренер Режис де Камаре беше осуден на 10 години затвор за силување на две малолетнички во кампот за обука во Сен Тропе кон крајот на 1980-тите и почетокот на 1990-тите, што значи дека треба да биде ослободен следната година.
