Поранешната Југославија ја памти како својата прва претставничка на популарната “Песна на Евровизија“. Станува збор за некогашната многу популарна пејачка на забавни мелодии Љиљана Петровиќ. Таа на својата 81-годишна возраст почина завчера во својот град Нови Сад, Србија во кој остана да живее, иако е родена во Босна. Љиљана ќе ја памтиме и по големиот хит-шлагер “Да не биде тоа во пролет“ испеан на еден од “Опатиските фестивали“, а во 1991 година таа објави и своја авторска книга. Ќе биде погребана на Градските гробишта во Нови Сад во алејата на заслужни граѓани.
