Скандал во Аргентина: Околу 70 ВИП-личности се вакцинирале преку ред

12

Во Аргентина избувна скандал со вакцинирање на познати луѓе откако министерството за здравство објави список од 70 лица кои незаконски примиле вакцина против коронавирусот.

На списокот се наоѓаат претседателот Алберто Фернандез и членовите на неговиот кабинет, како и министерот за економија Мартин Гузман, аргентинскиот амбасадор во Бразил, поранешниот претседател Едуардо Дуалде, неговата сопруга и нивните деца и официјални лица кои не се меѓу приоритетите за првите 1,8 милиони дози вакцина.

Приоритети за добивање на вакцината се здравствените работници и луѓето постари од 70 години во внатрешноста на земјата и постарите од 80 години во БуеносАирес.

Скандалот избувна кога еден новинар изјави дека поради неговото пријателство со поранешниот министер за здравство Гинес Гонзалес Гарсија, кој морал да си даде оставка, тој бил вакциниран во просториите на министерството, додека болницата во Буенос Аирес добила 3.000 дози вакцина.

Против поранешниот министер за здравство се покренати околу 13 тужби, а новата министерка Карла Визоти негира постоење на вакцина за ВИП-личности во рамките на министерството.