Општина Аеродром деновиве почна со реконструирање на катната гаража во населбата Ново Лисиче. Од општина Аеродром информираат дека се врши бојадисување на челичната конструкција, како и промена на оштетените хоризонтални и вертикални олуци.
– Со ЈП „Градски паркинг“ ја разгледуваме можноста за воведување зонско паркирање во дел на општината, со цел да им излеземе во пресрет на барањата на граѓаните и да го олесниме паркирањето – изјави градоначалникот Златко Марин.
