САД со санкции за компаниите превозници на венецуелска нафта

13

САД воведоа санкции против четири компании што работат во нафтениот сектор на венецуелската економија, соопшти денеска државниот секретар Мајк Помпео.

Според него, тие компании работат на транспорт на нафта украдена од народот на Венецуела.

-Кражба на нафтени активи на Венецуела во интерес на незаконскиот режим на Николас Мадуро е неразумно поведение, и оние што се вклучени ризикуваат да бидат отсечени од финансискиот систем на САД, истакна Помпео.

Тој додаде дека „корумпираниот режим на Мадуро е директно одговорен за политичката, економската и хуманитарната криза во Венецуела“.

-Меѓународната заедница треба да го засили притисокот врз режимот на Мадуро, додека не се откаже од своите незаконски претензии за власт. САД продолжуваат да го засилуваат притисокот врз него и неговите помошници, додека не се започне со демократска транзиција, подвлече американскиот државен секретар.