САД воведоа санкции за шестмина директори на рускиот јавен медиум РТ, вклучувајќи ја и неговата главна уредничка Маргарита Симонјан, како одговор на обидите за мешање во американските избори.
Мета на санкциите се и хакери и невладини организации поврзани со Кремљ.
Како што соопшти Министерството за финансии на САД, казнените мерки се однесуваат на вкупно десет лица и два субјекти.
Мета на овие санкции се и водачите на групата РаХДит, за која се вели дека е составена од „прокремљски компјутерски хакери“, како и невладината организација Дијалог.
Тие се обвинети од американските власти дека користеле вештачка интелигенција во кампањи за дезинформации насочени кон изборните кампањи во САД.
