Рекорден број новозаразени со коронавирус во Црна Гора

85

Во последните 24 часа во Црна Гора се регистрирани 57 нови случаи на коронавирус, а тестирани се 548 лица, соопшти Институтот за јавно здравје во Подгорица.

Најголем дел од новозаразените се од Бијело Поље (25), Подгорица, 19, Плеваља шест, Рожаје и Херцег Нови по двајца, а Бар, Цетиње и Никшиќ по еден, пренесува Танјуг.

Од 57 новооткриени случаи, 35 се контакти на претходно потврдени случаи, за 21 пациенти се бара извор на инфекција и еден случај е увезен, пренесува РТЦГ.

Од почетокот на јуни, вкупниот број регистрирани случаи во Црна Гора е 396, има четири смртни случаи, а бројот на активни случаи е 392.