Приведени двајца измамници од тетовско кои од келнер одзеле 18.000 денари

9

Во текот на вчерашниот ден две лица од Тетово и Мала Речица се приведени откако биле пријавени за измама. Тие од келнер успеале да земат 18 илјади денари во неколку наврати така што му рекле дека ги испраќа познат бизнисмен на кого итно му требале пари да му бидат доставени.

– Вчера околу 13 часот и 15 минути, полициски службеници на СВР Тетово ги лишиле од слобода Б.Д. (24) од тетовска Мала Речица и Р.М. (46) од Тетово, кои претходно биле пријавени од вработен во угостителски објект дека изминатата ноќ лажно претставувајќи му се во име на друго лице, управувајќи такси возила, во неколку наврати го измамиле, а тој им исплатил 18 илјади денари, информира Марјан Јосифоски, портпарол на СВР Тетово.

Двајцата се задржани во Полициската станица Тетово и по целосното документирање на случајот ќе им биде изготвен соодветен поднесок по член 247 од Кривичниот законик.