Премиерот се обрати преку Фејсбук: Meркел рече дека Бундестагот ќе донесе одлука за преговори во септември (ВИДЕО)

138

Премиерот, Зоран Заев со видео се обрати до јавноста по вчерашната средба со германската канцеларка, Ангела Меркел.

Заев повтори дека Меркел ја информирала македонската делегација оти Бундестагот во септември ќе донесе одлука за одобрување на старт на преговорите со ЕУ.

-Вчерашната пријателска средба со канцеларката Меркел беше средба каква што личи меѓу земји – стратешки партнери. Северна Македонија го испорача очекуваното и на нас се гледа во многу позитивно светло. Канцеларката Меркел информираше дека Бундестагот ќе донесе одлука во септември за одобрување на старт на преговорите на ЕУ со Северна Македонија, согласно утврдените процедури на СР Германија за прашањата за проширување на Унијата, порача Заев.