Полемичарот и новинар, контроверзниот Ерик Земур официјално кандидат за претседател на Франција

114

Екстремно десничарскиот полемичар Ерик Земур денеска ја официјализира својата претседателска кандидатура во драматично видео, на крајот на немирната пред-кампања и првото назадување во анкетите, под паролата Французите „повторно да се чувствуваат како дома“, јави дописникот на МИА.

-Решив да се кандидирам за претседателските избори, објави тој, читајќи текст зад микрофонот јуни кој наликува на тој на генералот де Гол, имитирајќи ја паралелата со апелот на генералот Де Гол на 18 јуни 1940 година.

Со ритамот со второто движење од седмата симфонија на Бетовен, видеото снимено пред две недели, со носталгични акценти, меша слики од насилство во Франција и архиви од земјата на „Нотр-Дам-де-Париз и камбаните“, од Конкорд, Триумфалната капија или филмовите со „Габан и Делон“.

Поранешниот колумнист на ЦЊуз и Ле Фигаро, седејќи пред библиотека, им се обрати на Французите, „прогонетите од внатрешноста“, на оние што се „чувствуваат туѓи“ во својата „сопствена земја“ и се кандидира „за да нашите ќерки не се со превез и за да нашите синови не се покорни“.

Овој 63-годишниот полемичар ги става во ист кош „десничарите, елитите“, академиците, новинарите, синдикалците, како и „исламските левичари“ и поддржувачите на „родовата теорија“.

Во исто време, претседателот Емануел Макрон претпочиташе да твита за „универзализмот“ на Жозефин Бејкер, која влезе во Пантеон во вторникот.

По оваа најава, која ќе биде проследена со интервју во 20 часот за на TФ1 – овој пат во живо – Ерик Земур ќе ја одржи својата прва кампања во недела во Зенит во Париз. Повеќе синдиката како СЖТм Солидер и антифашистичките активисти веќе најавија дека ќе демонстрираат за да го „замолчат Земур“.

Овој говор е „лош“ и „многу мал носител на надеж“, оцени Себастиен Шену, во Националниот собир, засрамен од оваа кандидатура која се натпреварува со онаа на Марин Ле Пен од екстремната десница.

Од десната страна, лидерот на пратениците на Републиканците, Дамиен Абад, го обвинува Ерик Земур дека ја „крши“ Франција.

На левата страна, Непокорна Франција ја исмева кандидатурата за „претседателските избори во 1965 година“. „Салонскиот полемичар станува кандидат за оперета“, рече портпаролот на Социјалстите Борис Вало.

Ерик Земур „се продаде дека е францускиот Трамп. Тоа е Трамп нарачан на Виш, оваа платформа на фалсификати која продава работи што не функционираат, што се лажни“, распука Габриел Атал, портпаролот на француската влада.

Контроверзите се намножија за време на неговата пред-кампања. Особено кога Ерик Земур впери пиштол кон новинарите или отиде во Батаклан, на денот на комеморацијата на 13 ноември, за да го обвини поранешниот претседател Франсоа Оланд дека „не ги штити Французите“.

По оваа објава, најтешкиот дел започнува со собирање на 500-те потписи на избрани функционери неопходни за претседателска кандидатура. Неговиот табор гарантира дека ќе се потпре на 250 до 300 ветувања.

Тој ќе мора да собира и донации за својата кампања, а веќе ја изгубил поддршката од финансиерот Чарлс Гав, кој му позајмил 300.000 евра.

Полемичарот е обвинет и за сексуален напад според неколку сведоштва на жени собрани од Медијапарт. Но, против него не е најавена никаква жалба.