Општинската зграда во Струмица осветлена во портокалово по повод кампањата против родово базирано насилство

116

Зградата на Општина Струмица синоќа беше осветлена со портокалови филтри во рамки на кампањата „16 денови активизам против родово базирано насилство“.

Градоначалникот Костадин Костадинов истакна дека Струмица меѓу првите општини во државата се вклучи во имплементација на Законот за еднакви можности на мажите и жените усвоен во 2006 година.

-Сега и секогаш ќе бидам против сите видови насилство и ја давам мојата поддршка на сите активности со кои се подига јавната свест за спротивставување на насилството и ќе иницирам максимално почитување на човековите права, рече Костадинов.

Инаку, Струмица е прва општина која финансиски го поддржува Шелтер центарот за згрижување на жени и деца жртви на семејно насилство.