ОН: Во Либија се извршени воени злосторства, злосторства против човештвото и злосторства против мигрантите

51

Мисијата на Обединети нации за проверка на факти за Либија денеска објави дека основи да се верува дека се извршени воени злосторства и злосторства против човештвото, вклучително и против мигрантите, додавајќи дека доказите ќе ги достави до Меѓународниот кривичен суд (МКС).

Мисијата, која има задача да ги истражи злоупотребите во Либија од 2016 година, во својот конечен извештај до Советот за човекови права во Женева нагласи дека прекршувањата биле извршени и од државните безбедносни сили и од вооружени групи.

Мигрантите, од кои илјадници се обидуваат да ја преминат земјата секоја година, беа особено мета, а тим од тројца независни истражители најде „неоспорни докази“ дека биле систематски измачувани.

Во извештајот се посочува и дека постои и основано сомневање дека биле подложени на сексуално ропство.