Новиот градоначалник Гевгелија ќе го добие во вториот круг од локалните избори

390

Според неофицијализираните, целосно обработени гласови од страна на ДИК, општина Гевгелија новиот градоначалник ќе до добие во вториот круг од локалните избори, на 31 октомври.

За функцијата градоначалник на општина Гевгелија во вториот изборен круг ќе се тркаат Андон Сарамандов од ВМРО-ДПМНЕ кој во првиот круг освои 47,11 отсто гласови од излезените 63,12 отсто запишани граѓани и Сашо Поцков од СДСМ со овоени 34,69 отсто гласови во првиот круг.

Во новиот состав на општинскиот совет ќе седат девет советници од ВМРО-ДПМНЕ, седум од СДСМ и по еден од Левица, ЛДП-ДОМ и од граѓанската иницијатива на Томе Ќичуков.

Во општините Богданци, Дојран и Валандово довербата на граѓаните уште во првиот круг ја добија старо новите градоначалници, во Богданци кандидатот од СДСМ, Блаже Шапов со освоени 50,70 отсто од гласовите, во Дојран кандидатот на СДСМ, Анго Ангов со 53,21 отсто и во Валандово, кандидатот на СДСМ, Перо Костадинов со освоени 57,73 отсто од гласовите.