Нетанјаху со предупредување до Хесболах: Во случај на конфликт Бејрут ќе стане Газа

371

Бенјамин Нетанјаху ги предупреди другите земји да не се мешаат во конфликтот меѓу Израел и Хамас.

Бенјамин Нетанјаху, премиерот на Израел, денеска го предупреди Хезболах да се воздржи од започнување трета либанска војна со Израел. Нетанјаху изјави дека во случај на конфликт „Бејрут ќе стане Газа“.

Овие изјави доаѓаат откако Хезболах изврши ракетен напад што резултираше со смрт на 60-годишен маж во северен Израел.

„Доколку Хезболах одлучи да започне војна од сите размери, тие самите ќе ги претворат Бејрут и Јужен Либан, кој не е далеку, во Газа и Кан Јунис. Ние сме решени да постигнеме победа, а тоа ќе го постигнеме со помош на нашите Армијата“, рече Нетанјаху за време на посетата на седиштето на Северната команда на израелската армија, придружуван од министерот за одбрана Јоав Галант и началникот на Генералштабот Херзи Халеви, пренесува „Џерусалим пост“.

Конфликтите меѓу Израел и Хамас траат подолго време долж границата на Израел со Либан на север, каде Хезболах е активен.