На Гордон Ремзи му е страв од Владимир Путин

66

Споделувајќи ги своите готварски критики и совети, многумина би рекле дека Гордон Ремзи е личност која не се плаши од никого и ништо. Но, според сопствените кажувања, и тој има свои стравови… На пример – од Владимир Путин, кога Шкотот готвел за него.

– Искрено, се пос**в од страв. Имав само една работа на ум – „Што ако ги отрујам овие двајца? Замислете низ каков пекол би морал да поминам!“, се потсети Ремзи.

Ремзи готвел за Путин и за британскиот премиер Тони Блер во 2000 година во премиерската резиденција на „Даунинг стрит“, бр. 10.

– Отидов да ги поздравам и ме прашаа за англискиот аспарагус. Единственото нешто што ми паѓаше на ум беше – „Човек, бегај одовде! Готов сум!“… Очекував да има соодветна кујна на „Даунинг стрит“, но таму немаше ништо… Морав да ги носам моите тенџериња, раскажува готвачот.

По стресното искуство, Ремзи го дарувал својот хонорар за ручек во добротворни цели.