Научници: Климатските промени предизвика априлски мраз во Франција

10

Научници тврдат дека мразот што предизвика значителна економска загуба во централниот лозарски регион во Франција оваа година, веројатна е последица од климатските промени.

Извештај од група истражувачи кои ја проучуваат врската помеѓу глобалното затоплување и временските појави е објавен денеска. Извештајот посочува дека интензивниот мраз од 6 до 8 април во Франција бил особено штетен затоа што му претходел топол период во март.

Анализата спроведена од групата „World Weather Attribution“ се заснова на 132 климатски модели за да се симулира влијанието на емисиите на штетни гасови врз температурата на воздухот во регионите богати со лозови насади.

Истражувачите од Франција, Велика Британија, Холандија и Германија заклучија дека затоплувањето на климата, што е последица на човечката активност, предизвика предвремено топло време, а потоа „експлозија на арктички студ стигна во Европа во април, оштетувајќи вегетација“.

Последиците се проценуваат на две милијарди евра, што француските власти ги опишаа како „веројатно најголемата земјоделска катастрофа од почетокот на 21 век“.