Веста за смртта на Тина Тарнер го потресе светот. На социјалните мрежи многу познати личности се збогуваат со славната пејача која остави посебен белег на музиката. Пејачите, актерите, модните дизајнери и бројни други познати личности не можеа да ја сокријат својата искрена болка поради заминувањето на кралицата на рокенролот.
Се огласи дури и Американската вселенска агенција НАСА која и оддаде посебна почит и ја испрати Тина Тарнер меѓу ѕвзедите.
„Едноставно најдоброто. Музичката легенда Тина Тарнер блескаше на сцената и во милиони срца како кралица на рокенролот. Нејзиното наследство ќе живее засекогаш меѓу ѕвездите“, објави НАСА.
Simply the best. Music legend Tina Turner sparkled across the stage and into millions of hearts as the Queen of Rock ‘n’ Roll. Her legacy will forever live among the stars. pic.twitter.com/W0OGq61vwT
— NASA (@NASA) May 24, 2023
Дури и Белата куќа ја објави смртта на Тина Тарнер.
Портпаролката Карин Жан-Пјер ја опиша смртта на пејачката како „неверојатно тажна вест“. Таа рече дека смртта на Тарнер била „огромна загуба за сите што ја сакаа и за музичката индустрија“.
