Предводникот на турскиот гигант Фенербахче, Жозе Мурињо, експресно си пронајде алиби за елиминацијата од Лигата на шампиони. „Сино-жолтите“ додаоа се од себе, но францускиот преставник Лил се пласираше во последното квалификациско коло.
„Ако сме реални, ова е економски проаз бидејќи самото учество во ЛШ е важна финансиска инјекција за клубот. Загубивме шанса да играме против најголемите клубови во Европа, но реалноста е една – ние никогаш нема да ја освоиме ЛШ, никогаш не би можеле ниту да стигнеме до финалето. Вака ќе играме во Лигата на Европа, а тоа е натпреварување во кое ако бидеме на ниво можеме да имаме сериозен успех. Велам ако… постојат многу фактори, но доколку не сум во право, ќе имам сериозни проблеми“, изјави португалскиот стручњак.
