Можна ли е разврска на потрагата:Пронајдена ли е конечно гробницата на Нефертити?

274

Археолозите со години неуспешно ја бараат гробницата на египетската кралица Нефертити, а познатиот египтолог Захи Хавас тврди дека потрагата конечно завршила, пренесува Хистори.

 

Поранешниот министер за антиквитети и археологија на Египет беше дел од експедицијата која пронашла амајлии околу Луксор, какви што претходно биле поврзани со Тутанкамон, како и мумии на западниот брег кои биле подложени на генетски тестови.

„Веќе имавме ДНК од членовите на 18-та династија од Ахнатон до Аменхотеп II или III, а сега има две неименувани мумии означени со KV21 a и b. Во октомври ќе можеме да го објавиме откривањето на мумијата на Анкесенамун, сопругата на Тутанкамон, како и нејзината мајка Нефертити“, изјави Хавас за Newsweek, пренесува Artnet.

„Пронајдена е и гробницата KV35 на десетгодишна мумија. Ако тоа дете е брат на Тутанкамон и син на Ехнатон, проблемот со наоѓање на гробницата на Нефертити е решен“, додал легендарниот египтолог.

Нефертити живеела помеѓу 1370 и 1330 п.н.е. Таа била маќеа на кралот Тутанкамон и сопруга на фараонот Ахенатон, кој владеел за време на времето на античкиот Египет.

Тој ја вовел монотеистичката религија на обожавање на сончевиот диск Атен и го преселил главниот град во новиот град наречен Акенатон, што значи „богот на хоризонтот Атен“.

Наследниците се обиделе да му го избришат името и наследството, па главниот град бил напуштен, а скулптурите и сликите со неговиот лик и име, меѓу кои и многу траги од постоењето на кралицата Нефертити, биле уништени.

Која била нејзината улога во управувањето со земјата се уште е прашање на шпекулации, но Хавас верува дека по Ахенатон таа владеела со Египет уште три години под името Сменхара.

Сепак, многумина се сомневаат во потенцијалното откритие на Хавас.

Еден од нив е Хусеин Абдел Басир, актуелен директор на Музејот на антиквитети и библиотека во Александрија, кој за Ал Монитор минатата година изјави: „Откривањето на гробницата на Нефертити на западниот брег во Луксор е можно само ако мумиите на Ахнатон биле преселени од Амарна во Луксор во подоцнежните епохи“.