Млад маж фатен додека се качувал по ѕидот на Бакингемската палата

153

Дваесет и петгодишен маж е обвинет за упад, откако се качил на ѕидот во близина на Бакингемската палата. Тој подоцна денеска ќе се појави пред судот на Вестминстер.
Во саботата во 1.25 часот, полициските службеници пронашле маж како се качува на ѕидот и влегува во Royal Mews, кој се наоѓа веднаш до палатата, соопшти полицијата.

Авад Ровалино беше обвинет за упад во посед, како и обид за кражба од моторно возило за време на истиот инцидент.

Бакингемската палата потврди дека во резиденцијата тогаш немало членови на кралското семејство, пренесува Sky News.

Royal Mews во палатата е одговорен за сите аранжмани за патување на кралот и членовите на кралското семејство, без разлика дали со автомобил, коњ или кочија. Таму се чува Gold State Coach кој се користеше на платинестиот јубилеј на Елизабета Втора минатата година и крунисувањето на кралот оваа година.