Британските медиуми немаат дилема дека аргентинскиот интернационалец од редовите на премиерлигашот Брајтон, Алексис Мекалистер, сигурно ќе ја промени средината за време на летниот преоден рок. Одличниот играч за врска, кој е проценет на околу 50 мил. фунти, не крие дека сака да игра за клуб кој се натпреварува и во Лигата на шампиони, а интерес за неговите услуги покажуваат челниците на Челзи и Ливерпул.
