Многу популарната игра Мајнкрафт, која се фокусира на градење и истражување во практично неограничен генериран свет, веќе неколку години важи за културолошки феномен.

Тоа е првенствено постигнато поради отворениот модул на играње и одличната поддршка која Мајкрософт ја нуди за оваа игра.

Верзии на играта постојат за различни платформи и уреди, како што се PC, Xbox One, Nintendo Switch… И сите тие дозволуваат да се играат заедно.
Неодамна оваа игра наполни 10 години и по тој повод Мајкрософт објави дека во тој период продал повеќе од 176 милиони лиценци, што ја прави најпродавана игра.


Досега првото место го заземаше Тетрис, ама овие две игри не можат директно да се споредат бидејќи Тетрис е објавен во неброено многу варијанти. Основната варијанта на Тетрис е продадена во 70 милиони примероци. Кон тоа ЕА објави дека мобилната верзија е продадена во дополнителни 100 милиони примероци, при што од 2010 година се премина од директна продажба на играта на бесплатно преземање и плаќање за микротранскации во склоп на играта.

Генерално, ако се соберат овие две вредности, излегува дека Тетрис е досега продаден во 170 милиони примероци, што е за шест милиони помалку од Мајнкрафт.