Менаџерот на лондонскиот премиерлигаш Челзи, Франк Лампард, сериозно размислува за продажба на најскапо купениот голман во фудбалската историја, Кепа Аризабалага. Легендарниот репрезентативец на Англија не крие дека е разочаран од формата на Шпанецот, но и од формата на неговата замена, Вили Кабаљеро.
Доколку стави крај на соработката со Аризабалага, Лампард ќе се обиде да ги осигура услугите на првиот голман на Барнли, Ник Поуп, кој важи за најголем голмански талент на денешницата.
