Најбогатите клубови во англиската Премиер лига ќе се обидат за време на летниот преоден рок да ги осигураат услугите на бразилскиот интернационалец од редовите на каталонскиот гигант Барселона, Филипе Кутињо.
Одличниот играч за врска моментално настапува како позајмен играч во дресот на актуелниот шампион на Германија, тимот на Баерн (М), но се погласни се шпекулациите дека баварскиот гигант не сака да го откупи неговиот договор за 120 мил. евра. Британските медиуми открија дека интерес за неговите услуги покажаа челниците на Тотенхем, Челзи, Манчестер Јунајтед и на Манчестер Сити.
