Актуелниот шампион на Франција е на добар пат да излезе како победник во трката по потписот на централниот дефанзивец од редовите на италијанскиот калчолигаш Наполи, Калиду Кулибали.
Сенегалскиот интернационалец е дефиниран како идеална замена за репрезентативецот на Бразил, Тијаго Силва, кој има договор до крајот на актуелната сезона. За да ги осигураат услугите на Кулибали, челниците на ПСЖ се подготвени да одвојат околу 115 мил. евра, но сопственикот на Наполи, Аурелио де Лаурентис бара најмалку 150 мил. евра.
