Куба го осуди протерувањето на своите дипломати во САД

33

Кубанската влада го осуди протерувањето на двајца нејзини дипломати во Обединетите нации, обвинети за наводни активности кои ја загрозуваат американската национална безбедност.

„Категорично го отфрлам неоправданото протерување на двајцата официјални претставници на Куба во Обединетите нации, како и зголеменото ограничување за движењето на нашите преостанати дипломати и нивните семејства“, рече кубанскиот министер за надворешни работи, Бруно Родригез, на својот профил на „Твитер“.

Тој ги отфрли обвинувањата дека дипломатите се занимавале со дела некомпатибилни со нивниот дипломатски статус нарекувајќи ги груба клевета, пренесува АП.