Кралицата од Себа е чоколадна торта што потсетува на торти од типот сахер. Креместа, чоколадна, едноставно се топи во уста. Олицетворение на франуското величие како во концептот така и во изведбата.
Предизик за споредба за сите кои ја обожуваат виенската „сахер“ торта. Зашто кога француските мајстори на кујната го прават тоа, тогаш…
Потребно е:
- 150гр путер
- 150 квалитетно темно чоколадо
- 2 – 3 лажици рум или приготвено силно црно кафе
- 1 шолја шеќер
- 5 јајца
- 2 лажици шеќер
- 1 шолја ситно мелени бадеми (не треба претходно да се бланшираат)
- 1-2 лажички екстракт од бадем (не е потребно), 2/3 чаши брашно
За глазурата:
- 30-50гр квалитетно темно чоколадо
- 1 лажица рум или сварено поцврсто црно кафе
- 3 лажици путер
Приготување:
Подгответе соодветен плех со дијаметар од околу 26 см и обложете го со хартија за печење. Ставете 150 гр квалитетно темно чоколадо за лесно топење со додавање на рум или сварено погусто црно кафе. Изматете го путерот со шолја шеќер. Користете чаша од 200мл за мерење. Потоа додадете 5 жолчки и продолжете да матите додека не се изедначи.
Во друг сад изматете 5 белки со малку сол. Додадете 2 лажици шеќер и промешајте уште малку. Ставете го растопеното чоколадо во изматениот путер со шеќер, па додадете чаша ситно мелени бадеми (не мора претходно да се бланшираат), додадете 1-2 лажички екстракт од бадем (не е потребно), четвртина белки и лесно измешајте сè со процесор за храна или пластична шпатула. Кога ќе се измеша, додадете ги остатокот од белките, 2/3 шолја брашно – и сè убаво измешајте за да добиете униформа маса. Пренесете ја масата во плех за печење и израмнете.
Печете на 170 степени Целзиусови. Не смее да се препече! Средниот дел од тортата треба да остане незапечен и малку кремаст. Најлесен начин да го “фатите” овој момент е да ја боцкате кората со вилушка или жица. На околу 5 см од работ, вилушката треба да биде чиста кога ќе ја извлечете, а кога ќе ја пикате во центарот, треба да остане малку тесто на вилушката. Кога кората ќе се испече, оставете ја десетина минути да се олади во тавата. Потоа, за секој случај, поминете тенок нож околу рабовите, покријте го со послужавник со соодветен дијаметар и превртете го. Кога тортата ќе се излади добро, по 1-2 часа прелијте ја со чоколадна глазура и украсете со бадеми.
Во меѓувреме пригответе ја глазурата така што ќе стопите квалитетно темно чоколадо во пареа, додадете лажица рум или сварено поцврсто црно кафе, а кога ќе се стопи додадете 3 лажици путер, измешајте сè добро за путерот убаво да се стопи.
