Книга: „Терај си го плугот по коските на мртвите“ – меѓу разумот, лудилото, правдата

43

„Терај си го плугот по коските на мртвите“ е дефиниран како еден од најангажираните романи на добитничката на Нобеловата награда за литература за 2018 Олга Токарчук, во поглед на уделот на човештвото во уништувањето на светот. Во овој роман таа вешто го употребува добропознатиот книжевен манир на поврзување на „низок“ жанр, трилерот, со големите амбиции, односно филозофско-моралните прашања што се однесуваат на современиот свет.

Јанина живее во зафрлено полско село. Мрачните зимски денови ги поминува проучувајќи астрологија и преведувајќи поезија од Вилијам Блејк. Таа се грижи за летните резиденции на богатите граѓани на Варшава. Нејзиниот углед на талкач и повлечена жена ја нагласува склоноста да ги одбере животните пред луѓето. Одеднаш соседот е пронајден мртов. Набрзо се откриваат и други трупови во сè почудни околности. Како што растат сомнежите, Јанина се впушта во истрагата… Провокативно истражување на матните граници меѓу разумот, лудилото, правдата, традицијата, автономијата и судбината.

Според романот е снимен и филмот „Триумфален улов“ на режисерката Агњешка Холанд, кој во 2018 г. на Берлиналето ја доби наградата „Сребрена мечка“.