Познато е дека српската кошаркарска репрезентација речиси никогаш не носи натурализиран играч, но сега една ѕвезда сама се понуди да помогне кон остварување на целта. Станува збор за капитенот на Партизан, Кевин Пантер, кој има и српски пасош. Неговото име неколкупати се споменуваше како потенцијален репрезентативец, но тоа никогаш не се оствари.
- Ако се укаже прилика, ако има смисла за тоа, би сакал!, изјави Кевин Пантер во емисија на „ТВ Арена спорт“.
Инаку, Кевин Пантер играше за Црвена звезда во 2019 година и по само неколку месеци доби српски пасош. Една година подоцна замина во Милано, но потоа се врати во Белград, во 2021 година, само во дресот на Партизан. Познато е дека во претходните две години беше најдобар играч на тимот на Жељко Обрадовиќ и за малку ќе го одведеше „црно-белиот“ тим до фајналфорот во Евролигата, а притоа придонесе и за „прекин на постот“ и освојување на АБА лигата.
После тоа, сите клубови во Евролигата го посакуваа, се споменуваше и преселба во НБА, но Кевин Пантер на крајот потпиша нов двегодишен договор со Партизан и има намера да го носи дресот на српскиот клуб во иднината.
