Строги антиковид мерки и помош за вакцинирање на спортистите, кои ќе настапат на Зимските олимписки игри идната година во Пекинг, најави денеска претседателот на Меѓународниот олимписки комитет (ИОК), Томас Бах.

Првиот човек на олимпиското движење испрати писмо до членовите на ИОК, националните олимписки комитети, челниците на меѓународните спортски федерации и до самите спортисти.

„Првите одложени Олимписки игри во историјата во Токио можевме да ги реализираме со единствена и силна поддршка на сите во нашата олимписка заедница. Со наближување на зимата, нашиот фокус во целост е насочен кон подготовките за Зимските олимписки игри во Пекинг 2022. Иако пандемијата е сè уште далеку од својот крај, би сакал да ве поттикнам заедно со нашите кинески партнери и пријатели да не се штедиме во напорите. Исто како што тоа го направивме во Токио, ригорозно ќе ги поставиме против пандемиските мерки, со цел да се обезбеди во Пекинг здравје и безбедност за сите олимписки учесници“, порача претседателот на ИОК.