Заради благосостојбата на животните: Од управата на Аквариумот во Париз е побарано да го намали бројот на вечерните забави

Од страна на
Вечер
-
38
Градските власти на Париз, кои се сопственици на зградата на градскиот Аквариум се наоѓаат на мета на критики на здружението за права на животните поради бројните вечерни забави, побараа од управата на аквариумот да го намали бројот на тие забави.
Градското собрание во текот на викендот соопшти дека побарале од парискиот Аквариум од почетокот на оваа сезона да го намали бројот на забавите, бидејќи се одржуваат во живеалиштето на животните.

 

Парискиот Аквариум, еден од најстарите на светот, ској кој сега управува приватна компанија, од 2006 година е претворен во ноќен клуб. Како што истакнаа во градското собрание, ноќниот клуб Аквариум работи „два пати неделно“,  а бројот на приватни журки кои се организираат за викендите изнесува вкупно околу 200 забави годишно.
Здруженијата за заштина на животните ги критикуваше тие забави оценувајќи дека влијаат на здравјето на животните.

Тие здруженија се повикуваат на законот од 2021 година според кој се забранува „претставување животни во ноќни клубови“.

Покрај тоа, аквариумот нема одобрување од полицијата за организирање забави, додадоа од локалната организација за заштита на правата на животните.

 

ПОВРЗАНИ ОБЈАВИПОВЕЌЕ ОД АВТОРОТ