Според најновите информации на Си-Ен-Ен, околу 30 лица се повредени во пукањето во средното училиште Апалачи во Виндер, Џорџија.
Некои се повредени од огнено оружје, а некои се повредени при бегството.
Еден осомничен е приведен, соопштија властите, но не е јасно дали тој бил ученик во училиштето.
Според нив, инцидентот е под контрола и учениците се пуштени од училиштето.
Се верува дека осомничениот напаѓач е 14-годишно момче, изјави за Си-Ен-Ен извор од органите на редот.
Осомничениот е жив и е во притвор, соопшти Бирото за истраги на Џорџија во објавата на платформата Х.
Белата куќа во соопштението рече дека претседателот Џозеф Бајден е известен за пукањето и дека неговата администрација ќе остане во контакт со федералните, државните и локалните власти за повеќе информации.
Шерифот на округот Бароу во Џорџија претходно на прес-конференција соопшти дека неколку луѓе се повредени, но одби да соопшти бројки. Тој изјави дека може да бидат потребни неколку дена за да се расветлат сите аспекти на инцидентот.
