Maкедонскиот ракометен вицешампион Еурофарм Пелистер го доби своето прво зимско засилување, кое што доаѓа од редовите на братскиот клуб Еурофарм Пелистер 2. Нов член на „зелено-белите“ е младото лево крило на македонската репрезентација, Петар Атанасијевиќ, кој по две и пол години минати под палката на Александар Јовиќ направи чекор плус во својата купска кариера.
„Репрезентативецот на Македонија, талентираното лево крило Петар Атанасијевиќ е прекомандуван во првиот тим на Еурофарм Пелистер. Атанасијевиќ по две и пол години поминати во Еурофарм Пелистер 2, по барање на тренерот Ларс Валтер, е прекомандуван во првиот тим. Петар во својата играчка кариера настапуваше за РК Алушовски, од каде премина во Еурофарм Пелистер 2. Петар оваа година дебитираше и на Светското првенствао, каде ги бранеше боите на македонската репрезентација“, се вели во соопштението на Еурофарм Пелистер.
Пред стартот на оваа сезона по истата патека се движеше и неговиот брат близнак, Павле Атанасијевиќ, а од вториот тим на битолчани се прекомандувани уште Цветан Кузманоски и Емилијан Ѓорѓовски.
