Вулканот Етна еруптираше во текот на ноќта, поради што беше затворен блискиот аеродром во Катанија, на источниот брег на Сицилија!
Како што е соопштено од италијанскиот институт за геофизика и вулканологија (INGV), Етна исфрлила голема количина чад и пепел до висина од 9,5 километри. Раководството на аеродромот во Катанија најави дека ќе биде затворен до 18 часот по локално време.
Авионите и пистите ги прекриле со пепел, а од патниците било побарано да не пристигнуваат на аеродромот пред да го проверат статусот на нивниот лет.
Темна прашина ги покри куќите и улиците низ Катанија.
Етна, висок 3.350 метри, е најголемиот активен вулкан во Европа. Често еруптира и е под постојан надзор, а неговите спектакуларни ерупции секогаш привлекуваат голем број љубопитни луѓе.
#HCHInternacionales | 🌋Columnas de humo y potentes explosiones de lava salen del volcán Etna, que vuelve a entrar en erupción en la isla de Sicilia, Italia.
▶ La última vez que el volcán entró en erupción se produjo el 4 de agosto, hace dos semanas donde las columnas de… pic.twitter.com/RbFiDGWjCB
— HCH Televisión Digital (@HCHTelevDigital) August 15, 2024
