Француската полиција ја евакуираше областа околу Ајфеловата кула откако беше забележан маж како се качува на неа, само неколку часа пред церемонијата на затворање на овогодинешните Олимписки игри во Париз.
Човек без кошула попладнево е виден како се качува на кулата од 330 метри. Нејасно е каде го започна своето искачување, но беше забележан веднаш над олимписките прстени, кои се поставени на делот од кулата, веднаш над првата „палуба“ за панорамско гледање.
Полицијата околу 15 часот ги извадила сите посетители од околината на кулата. На некои посетители, кои беа накратко затворени на втората „палуба“ им беше дозволено да заминат околу 30 минути подоцна.
Инцидентот се случил само неколку часа пред церемонијата на затворање на Игрите.
Повеќе од 30.000 полицајци денеска беа распоредени низ Париз за да ја обезбедат безбедноста на последниот ден од Олимпијадата.
