„Гугл“ најави голема промена за Gmail која ќе стапи на сила во јануари.
Почнувајќи од почетокот на следната година, „Гугл“ го отстранува основниот ХТМЛ приказ за Gmail, заменувајќи го со стандарден приказ низ целиот свет.
Бидејќи „Гугл“ го отфрли основниот приказ на ХТМЛ, корисниците пријавија дека е потешко да се најде, пишува The Register. Кога ќе го отворите Гмејл, обично се појавува опцијата за овој приказ велејќи дека е „за бавна врска“. Сепак, трае толку кратко што многумина не успеваат ни да го изберат.
Стандардниот приказ, визуелно побогатиот формат што Gmail моментално го носи како стандарден, беше лансиран за да го замени основниот приказ на ХТМЛ пред повеќе од една деценија. Оттогаш, Google додаде нови функции на Gmail, а компанијата рече дека основниот ХТМЛ приказ „ја нема целосната функционалност на Gmail“.
Дополнително на ова, некои корисници тврдат дека основниот HTML им овозможил на корисниците со попреченост, како што се лицата со оштетен вид, лесен и достапен начин да ги поминат нивните е-пошта.
Од лансирањето на стандардниот приказ, Google го задржа основниот ХТМЛ приказ како алтернатива што се вчитува побрзо и е посоодветна за оние со бавни прелистувачи или интернет. Сепак, „Гугл“ сега ја отстрани опцијата на горниот дел од екранот што им дозволуваше на корисниците да „постават основен ХТМЛ како стандарден приказ“.
