Во Словенија потврдени два случаи со подваријанта на омикрон: Истражувањата ќе покажат дали е позаразна?

74

Во Словенија досега се потврдени два случаи на нова подваријанта на вирусот омикрон, наречена БА.2, чии карактеристики сè уште не се целосно познати, објави  Словенечката лабораторија за здравје, животна средина и храна, која секвенционира заразени примероци со коронавирус.

Споменатата поваријанта е откриена во брисеви кои се секвенционирани во првите две недели од јануари, потврди Тјаша Жохар Чретник, директор на националната лабораторија, на прес-конференција, додавајќи дека примероците се од североисточна Словенија, а не е познато дали лицата кај кои е откриена заразата престојувале во странство.

Оваа подваријанта е веќе евидентирана во Данска и нејзините карактеристики се уште не се истражени и јасни, но според некои податоци е уште позаразна од претходните соеви, но не предизвикува посилни симптоми, пишуваат словенечките медиуми.

Во Словенија во последните 24 часа се потврдени 14.206 нови инфекции со коронавирус, а уште 12 лица починаа во петтиот бран на епидемијата предизвикана од варијантата омикрон, која го оптоварува болничкиот систем поради големиот број изолација на болничкиот персонал кој престојува.

БA.1 е првиот тип на омикрон, кој го замени делта сојот за неколку недели и сега претставува, барем во Словенија, 95% од новите инфекции.

Британската агенција за јавно здравје неодамна откри повеќе од 400 случаи на подвидови на омикрон во првите 10 дена од јануари, наведувајќи дека BA.2 е откриен во уште 40 земји, вклучувајќи ги Индија, Данска и Шведска, каде што повеќето се подвидови на омикрон.