Пилешко во многу верзии, пржено, печено, поховано, на скара, ролат со пилешко. И сепак понекогаш ќе ве фати „монотонија“ во подготовката и сакате да пробате нешто ново. Време е да ја разбиеме монотонијата со пилешки рецепти. Ви нудиме еден интересен начин на подготовка.
Потребни состојки:
едно пиле
2 лажици маслиново масло
50 мл лимон
100 мл пилешка супа (може и од коцка)
30 гр путер
4 чешниња лук
1 лажица ливчиња од рузмарин
лута пиперка
100 мл бело вино
кора од еден лимон (рендана)
Подготовка:
Исечето го пилето на парчиња, и запржете ги парчињата во тава на путер. Додадете ги рузмаринот, чукот, лутата пиперка и виното.
Тавата покријте ја и динстајте околу 40 минути. Откако ќе се издинстаат, парчињата пилешко извадете ги од тавата, а потоа во неа додадете ја супата, сокот од лимон и кората и варете ги неколку минути.
Со добиениот сос на крајот прелијте ги парчињата пилешко. Послужете и уживајте во вкусот на медитеранското пилешко.
