Најдобриот шведски фудбалер на сите времиња и најголема ѕвезда во дресот на италијанскиот калчо гигант Милан, Златан Ибрахимовиќ, објави крај на богатата играчка кариера. На крајот од првенствениот дуел помеѓу екипите на Милан и Верона (3:1) беше организирана свечена церемонија на „Сан Сиро“ и за време на истата популарниот Ибракадабра со солзи во очите потврди дека и официјално се пензионира.
- Првиот пат кога пристигнав во Милан ми подаривте среќа, вториот пат ми подаривте љубов. Од срце сакам да им се заблагодарам на навивачите. Ме пречекавте со раширени раце, направивте да се чувствувам како дома. Ќе бидам навивач на Милан до крајот на животот. Време е да се збогувам со фудбалот, но не и од вас, изјави Ибрахимовиќ.
