Болеста доаѓа поради ментален пад, секој човек треба да биде свој лекар

182

Светскиот тениски рект број еден Србинот Новак Ѓоковиќ, се уште не е сигурен дали ќе настапи на првиот грен слем турнир наредната сезона – Австралија опен. Тој не открива дали се вакцинирал, а надлежните органи во околината на Мелбурн не попуштаат и ќе бараат имунизација на сите учесници на турнирот.

Најдобриот тенисер во светот, кој неодамна загуби во полуфиналето на завршниот турнир во Торино, испрати порака преку социјалните мрежи, порака која допре не само до неговите фанови, туку и до многу други на кои тенисот им е попатна станица.

Болеста доаѓа поради ментален пад. Секој човек треба да биде свој лекар. Ако не е тивок внатре, тогаш залудни му се сите лекови и најдобрите лекари. Потсвеста на современиот човек е вознемирена како немирен океан со големи бури. Потсвеста полна со впечатоци ја прави душата немирна. Емоциите потоа зовриваат како вулканска ерупција. Без работа на емоции, духовноста е само кула од карти. А што е човек без мир во душата? Одделен од Божјата благодат, тој залудно се обидува да најде утеха во материјалните работи. Таму нема утеха, тоа е јама без дно. Повеќе, повеќе, дајте повеќе и конечно повторно празнина. Кога душата ќе стане мирно море, тогаш започнува исцелувањето. Запомнете дека тоа е златното правило. Изворот на повеќето болести е во духот, така што духот може да ги победи повеќето болести, напиша српскиот ас, цитирајки го српскиот научник исражувач и пронаоѓач на полето на електротехниката и радиотехниката… Никола Тесла.

Ѓоковиќ до крајот на оваа сезона ќе игра само уште за репрезентацијата во Дејвис Купот, а годината ја ќе ја заврши со три грен слем титули, додека на САд Опен во финалето загуби од Данил Медведев.