Благица Павловска е оригинална никогаш здодевна – како индијанска поглавица им пее на македонските иселеници во Австралија

148

Благица Павловска, која ова лето промени неколку имиџи, од виенска кралица, до духовита кумановска кавкаџика“, не престанува да изненадува како со песните, така и со новиот изглед на сцената. Со исто темпо продолжува на почетокот на топлата есен. Односно на почетокот на благо дождливата пролет. Како тоа пролет? Па, така едноставно.

Благица е моментално на турнеја во далечна Австралија, а таму е сега рана пролет. Кај македонските иселеници, пејачката секогаш беше и остана многу барана, сакана, а нејзините песни во македонската дијаспора се едни од најслушаните. За да им оди по ќеифот, вредната Благица се потруди повторно да изненади. Сега е Индијанка, облечена како поглавица од некое индијанско племе, со пердуви на главата, во индијанска народна носија.

Гледајќи ја вака визуелно оригинална, ќе кажеме дека е вистинска штета што се уште не се емитува популарното ТВ-шоу  „Твоето лице звучи познато“. Благица гарант би била убедливо прва! Си ја знае таа својата естрадна работа: никогаш да не им е здодевна ниту на фановите, ниту на новинарите. И успева во тоа.   Д.М.